TUTMONDA ESPERANTISTA JUNULARA ORGANIZO
Reglamento pri elekto de komitatanoj B
Tiu chi reglamento estis akceptita dum la komitatkunveno en la IJK en Rijeka, 1998, kaj anstatauas la tekston el la broshuro kun mencio "Teksto valida je 7 augusto 1995".
- Pri la nombro de elekteblaj
komitatanoj B validas la pli alta el la membrocifero je
la komenco de la elektoproceduro kaj la membrocifero je
la 31-a de decembro de la antaua jaro.
- La ghenerala sekretario anoncas
en la oficiala gazeto la nombron de elekteblaj
komitatanoj B kaj invitas kandidatojn. Li anoncas ankau
limdaton por la ricevo de la kandidatighoj en la Centra
Oficejo, kiu devas esti minimume 45 tagojn post apero de
la anonco.
- Valida kandidatigho konsistu
el:
- Nomo de la kandidato.
- Biografieto kaj deklaro pri la movadaj celoj de la kandidato, kiuj kune ampleksas maksimume 100 vortojn.
- Subskribo de la kandidato.
- Subtenleteroj au subtenaj
subskriboj de minimume 5 individuaj membroj el
minimume 2 landoj.
- Post la difinita limdato oni
kalkulas la nombron de validaj kandidatighoj. La
ghenerala sekretario aperigas en la oficiala gazeto la
nomojn kaj sinprezentojn de la kandidatoj. Se la nombro
de validaj kandidatighoj ne superas la nombron de
elekteblaj komitatanoj B, vochdonado ne okazas kaj chiuj
kandidatoj estas konsiderataj kiel elektitaj. Alikaze la
ghenerala sekretario aperigas ankau balotilon kaj
limdaton por la ricevo de la balotiloj en la Centra
Oficejo, kiu devas esti minimume 45 tagojn post apero de
la anonco.
- La vochdonantoj signas per krucetoj sur la balotilo la nomojn de tiuj kandidatoj, por kiuj ili vochdonas, ghis maksimume la nombro de elekteblaj kandidatoj.
- Ili metas la balotilon en anoniman koverton, kiun ili metas en duan koverton, sur kiu aperas la nomo kaj uea-kodo de la membro, kaj la indiko `TEJO-elekto'. Tiun ili sendas al la Centra Oficejo.
- Rajtas vochdoni la
individuaj membroj en la jaro, kiam la elektoproceduro
komencighis kaj la individuaj membroj en la jaro, en
kiu okazas la limdato por la reveno de la balotiloj.
- La ghenerala direktoro nomas kalkulanton de la vochoj, post konsultigho kun la ghenerala sekretario. La kalkulanton kontrolas chiujn kovertojn lau la kondichoj en artikoloj 5.2 kaj 5.3. De la validaj li konservas la internajn kovertojn ghis la difinita limdato de la baloto.
- Post la limdato de la baloto, la kalkulanto malfermas la internajn kovertojn kaj kalkulas la nombrojn de vochoj por chiu kandidato. Ne validas balotilo kiu ne plenumas la kondichon en artikolo 5.1.
- La kalkulanto raportas
skribe al la ghenerala sekretario pri la rezultoj de
la vochdonado. Li transdonas la balotilojn al la
Centra Oficejo, kiu konservas ilin dum almenau 1
jaro.
- Tiuj kandidatoj, kiuj ricevas plej multe da vochoj, estas elektitaj. En okazo de vochegaleco decidas, se necese, loto. Oni informas pri la rezulto en la oficiala gazeto.
Noto: Rilata teksto aperas en la "Regularo pri Tutmonda Esperantista Junulara Organizo", chapitro 3, artikolo 3
